Германската влада потврди дека потенцијален исламистички терорист е вработен во државната служба за миграции.

Министерството за внатрешни работи тоа го објави додека во тек е истрага за работа на агенцијата за миграции која ја покрена левичарската парламетарна група во Бундестагот.

Откако истрагата за тоа лице се уште трае, малку информации се јавно достапни.

„Сојузната влада е свесна за конкретниот сомнителен случај во врска со исламизмот и исламистичкиот тероризам“, објави министерството.

Сомнителното лице работи во Сојузната канцеларија за миграции (Бамф), која е надлежна за барањата за азил, интеграции и случаи на репатријација. Бамф е под надлежност на министерството за внатрешни работа.

Истрагата на полицијата исто така открила дека поранешниот член на екстремно десничарската НПД е отпушен од Бамф во 2017 година.

Поранешниот вработен во своите објави на социјалните мрежи го разоткрил својот „ксенофобичен став и противењето на азил“ и со презир коментирал Евреи, жртви на нацистичкиот режим, се наведува во извештајот.

Во текот на краткото вработување во агенцијата работл на контрола на квалитето на професионалните курсеви по странски јазици и не донесувал никакви одлуки врзани за азил, открила истрагата.