Пандев со истиот учинок од 2009 година кога играше за Лацио
Денеска македонскиот репрезентативец со нов погодок ја најави победата на Џенова, три важни бода во борбата за опстанок во Серија А.
За Горан Пандев (36) запиша еден гол против Спал, што е негов деветти оваа сезона во најсилното италијанско првенство. На 27 јули нашиот напаѓач ќе го прослави 37 роденден, но и натаму блеска на терените и кога е најпотребно му помага на својот клуб.
Кога е во прашање учинокот во италијанската Серија А, Пандев се израмни со својот биланс на погодоци кој го имаше во сезоната 2008/2009 кога ги бранеше боите на Лацио.
До крајот на сезоната Џенова има уште шест натпревари, дома против Лече, Интер и Верона, а на гости кај Торино, Сампдорија и Сасуоло.
„Гранде Пандев“ има шанса да биде уште подобар од аспект на головите, во првите две сезони за Лацио имаше по 11 голови во првенството, а најдобрата ја имаше во сезоната 2007/2008 кога реализираше 14 погодоци.
?? ¡Otro gol para Goran Pandev en Serie A!
? Con 36 años llega a 9 anotaciones en el Calcio y logra su mejor registro individual desde 2009.
? El macedonio es de los pocos jugadores que siguen en activo del Inter del triplete en 2010. pic.twitter.com/Ni9Hl8fDbZ
— Fuera de Juego (@ESPN_FDJ) July 12, 2020