Македонската фудбалска легенда и спортски директор на националните селекции во ФФМ, Горан Пандев одговори на нападот од поранешниот селектор Игор Ангеловски по изборот на Гоце Седлоски за нов селектор на репрезентацијата. Иако делуваа дека се блиски бидејќи Мрме беше тој којшто го врати Пандев во репрезентацијата сепак поранешниот капитен на репрезентацијата се најде прозван и со кратка, но жестока порака на социјалните мрежи му возврати на Ангеловски, користејќи остри епитети и лични критики.

„Се јави големиот селектор, големиот ‘патриот’. Не дочека ни шест часа да почне да плука. Замислениот Наполеон. Експертот кој во последните години во ниту еден клуб не се задржа повеќе од 2-3 месеци. Шарлатан кој секогаш се става во прв план. Ајде со мене во пензија, доста ти беше, помина времето на шуто и рогато во ФФМ“, објави Пандев.

 

View this post on Instagram

 

A post shared by Goran Pandev (@goranpandev19)

ФОТО | Седлоски: Ова е голема чест и најголема одговорност во мојата кариера

Преземено од: Sport.com.mk