Падна владата на Кицу, Романија ќе добие нов премиер
Романскиот парламент денеска ја собори деветмесечната малцинска влада на премиерот Флорин Кицу со големо мнозинство гласови.
Романија е во политички ќор -сокак веќе еден месец, со што на земјата и се отежни економското закрепнување, пренесува Ројтерс.
Предлогот за гласање недоверба на владата беше поднесен од Социјалдемократската партија (ПСД), со слоганот „Стоп за сиромаштијата, зголемување на цените и казните. Долу владата на Кицу“.
#Romanian #government falls less than a year after its formation after losing no-confidence vote on Tuesday. The gov collapse could lead to early #elections in #Romania. #Bucharest #StockExchange BET index is up 0.12% at 3:52:43 PM pic.twitter.com/yMJHVGnkr9
— World Markets Daily (@WorldMarketsDa1) October 5, 2021
Предлогот беше усвоен со 281 глас „за“ (доволни беа 234), објави романскиот портал „7Медиа“.
Социјалдемократската партија доби поддршка од партиите УСР (Коалиција за спас на Романија) и Алијансата за обединување на Романците.
Владата предводена од Флорин Кицу беше сменета помалку од десет месеци по нејзиното назначување – поточно по 278 дена, односно еден месец по повлекувањето на УСР -ПЛУС од владата.