Ова убав рецепт сигурно ќе ви се допадне, но и на вашите гости ако го направите за празниците. По силната и обилна храна со која се гоштававме во текот на празниците, палачинките од компири и шунка се малку полесна закуска, а истовремено многу вкусна.

Состојки:

– 1 килограм компири
– 200 грама брашно
– 200 милилитри млеко
– 100 милилитри минерална вода
– 2 јајца
– 250 грама шунка
– 2 чешниња лук
– сол, бибер
– магдонос
– масло
– 1 лажица сув зачин од билки

Подготовка:

Компирите излупете ги, ситно изрендајте ги и исцедете ги. Додадете брашно, млеко и шунка, која сте ја исекле на ситни коцки.

Во смесата додадете изматени јајца, малку сол, бибер, исечканите магдонос, изгмечениот лук и зачините. На крајот додадете минерална вода.

Во тава загрејте малку масло и рамномерно во форма на палачинка распоредете ја подготвената смеса. Палачинките печете ги од двете страни, додека не добијат златно-жолта боја.

Кога ќе бидат готови, послужете ги со салата по избор.