На секому од нас во некоја мера му е важно што другите мислат за нас и нашите постапки, но тоа никако не би смеело да биде пресудно мерило во животот. Но сепак, некои луѓе дозволуваат туѓото мислење да им го управува животот, што никако не е добро. Морате да правите нешта кои ве исполнуваат, без оглед на туѓото мислење, бидејќи вашата среќа е најважна.

Еве неколку јасни знаци дека премногу се грижите за тоа како другите ве гледаат:

1. Себеси се проценувате преку туѓите мислења за вас

Постојано во главата ви ѕвонат туѓите коментари за тоа како сте постапиле и се чувствувате како да сте изневериле нечии очекувања, а суштината е во тоа да не ги изневерите своите очекувања и целосно да уживате во својот живот.

2. Секогаш внимавате на секој свој збор

Често се цензурирате себе си и не го изнесувате своето мислење бидејќи се грижите што другите мислат за тоа. Наместо тоа, бидете сигурни во себе и секогаш кажете што мислите.

3. Сакате на сите да им се допаднете

Правите сè за да ве интересираат работи кои ги интересираат луѓето во вашата околина, правите работи за кои знаете дека ќе им се допаднат, се трудите да разговарате за работите кои ги интересираат другите, но не разговарате за работите кои ве интересираат вас.

4. Вие се ставате секогаш на последно место

Секогаш се држите на страна, но на другите им замерувате што не ја забележуваат вашата жртва. Подобро е да се изборите за свое место во друштвото, бидејќи во спротивно ќе започне да ви пречи што сте занемарени.