Овие работи ниту една жена не сака да ги добие како подарок!

Сите понекогаш сме одглумиле воодушевување откако сме отпакувале некој подарок, пишува Космополитен. За да не се случи тоа и на личноста за која сте го намениле подарокот, еве неколку подароци што треба да ги избегнувате.

1. Плишани животни

Доколку подарокот го купувате за возрасна личност, плишаната играчка е едно големо НЕ.

2. Кујнски прибор со порака

Некои девојки сакаат да спремаат колачи или да испробуваат различни рецепти. Сепак, престилка со натпис или кутлача наместо „Те сакам“ велат „Сакам кога си во кујна“. Подобра идеја би било самите да спремите вечера.

Unsplash/Gervelemae

3. Пластично цвеќе

Подарок кој воопшто не треба ни да се коментира.

4. Пари

Ова едноставно не е подарок кој се подарува кога треба да искажете љубов и внимание.

5. Справи за вежбање

Жените најдобро го познаваат своето тело и обрнување внимание на него со подарок кој вели дека „таа треба малку да ослабне“, секако треба да го одбегнете!

Unsplash/Sven Mieke

6. Нешто корисно

Стругалка за лед што се употребува за шофершајбна, папучи или перница – никој не посакува такво нешто, па ниту вашата девојка.

7. Фустан

Жените обожаваат фустани, но попрво би ги одбрале сами.

8. Парфем

Изборот на парфем е навистина лична работа. Доколку не сте потполно сигурни кој парфем би го користела, не го планирајте овој подарок.

9. Крема против брчки

Што ѝ порачавте на вашата драга дама со ова?

Unsplash/Laura Chouette

10. Депилатор

И ова се смета во подароците со многу грда порака.

11. Духовити и останати видови на книги

Исто како и за парфемот – доколку не сте сигурни дека 100% ќе ја погодите, откажете се.

Иако за некои е помалку клише, цвеќето и понатаму е подарок број 1! Сепак, при изборот водете сметка за следното:

– Не купувајте еден цвет во проѕирен целофан.

– Не купувајте цвеќе со цветови еден под друг.

– Не купувајте минијатурна орхидеја во кутија.

– Не купувајте црвен каранфил – иако е симбол за 8 Март, ниту една жена не го сака навистина!

Букет со свежо цвеќе никогаш не е грешка, како ниту саксија со убаво повеќегодишно цвеќе. Покрај тоа додајте чоколадо кое вашата дама го обожава и имате совршен подарок!

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот