Целиот свет, буквално, беше облеан во солзи кога принцезата Дијана загина во сообраќајна несреќа во Париз пред 25 години. Бракот на принцот Чарлс и принцезата од Велс траеше 15 години, но на „стаклени“ нозе.

Во 1996 година, кралицата објави пред Парламентот дека принцот од Велс и Дијана се разведуваат и дека ќе стори сé за нивните деца да пораснат со подеднакво внимание од двајцата родители.

По разводот, Дијана доби користење на дел од Кенсингтонската палата, 17 милиони фунти и нејзината слобода, но кралицата ѝ ја одзема титулата „HRH“ (Нејзиното кралско височество), оставајќи ја како само Дијана, принцезата од Велс.

Ова значеше дека обичните и пониските благородници повеќе не мораа да ѝ се поклонуваат и таа ги загуби различните придобивки што ги носи титулата „HRH“. Наводно, 15-годишниот принц Вилијам тогаш ѝ ветил на мајка си дека ќе ѝ ја врати титулата кога ќе стане крал.

Иако во тоа време се чинеше дека губењето на титулата „HRH“ Дијана ќе ѝ донесе само слобода, тоа не беше случај. Некои веруваат дека титулата можела да ѝ го спаси животот.

Имено, членовите на кралското семејство, кои ја имаат титулата „HRH“, имаат најдобро можно 24-часовно обезбедување. Оттука доаѓа дилемата за тоа дали оваа титула можеше да ѝ го спаси животот на принцезата Дијана.