Oд Министерството за внатрешни работи информираат дека од денеска во зградата на МРТ се отвора посебен „Сејф сити“ шалтер каде што граѓаните ќе можат да ги ажурираат или променат своите контакт-информации кои ги доставиле при регистрација на возилата, а исто така доколку граѓаните имаат забелешки или нејаснотии со системот, тие веќе можат да ги поднесат на новокреираната електронска пошта на Министерството.

„Од денеска (17.12.2025), на посебен шалтер во Одделот за граѓански работи, во зградата на МТВ (приземје) во Скопје, кој ќе работи секој работен ден во периодот од 08:00 до 17:00 часот граѓаните ќе можат да поднесат барање за промена на контакт-податоците кои ги доставиле при регистрација на возилата, доколку има настаната промена или во случај да имаат добиено известување со неточни податоци. Истото ќе може да се изврши и низ станиците за технички преглед на возила во државата каде што е распореден деташиран референт на МВР“, велат од Министерството.

Сите доставени забелешки на електронска пошта [email protected] ќе бидат евидентирани и разгледани согласно утврдените процедури, со цел унапредување на работењето и поефикасна комуникација со граѓаните, велат од МВР.

МВР отвора пункт и онлајн платформа за пријавување грешни сообраќајни казни и опомени

Шалтерот за промена на контакт-информациите е сместен во Одделот за граѓански работи во зградата на МРТ и ќе биде отворен секој работен ден од 8:00 до 17:00 часот.