Откриена причината за смртта на Питер Грин, два месеца откако беше пронајден мртов во неговиот дом
Два месеци откако беше пронајден мртов во неговиот стан во Њујорк, објавена е официјалната причина за смртта на американскиот актер Питер Грин.
Препорачано
Канцеларијата на главниот судски испитувач во Њујорк соопшти дека Грин починал на 60-годишна возраст откако случајно си пукал во левата пазува.
Во извештаите стои дека актерот починал од „рана од огнено оружје во левата аксила со повреда на брахијалната артерија“. Смртта е утврдена како несреќа, пренесуваат странските медиуми.
Грин беше пронајден мртов во неговиот стан во петок, 12 декември. Неговиот менаџер Грег Едвардс ја потврди смртта во соопштение за медиумите еден ден подоцна. Како што изјави, полицијата ја проверила состојбата во неговиот дом откако музика се слушала од станот повеќе од 24 часа. Едвардс рече дека разговарал со актерот претходно таа недела.
– Никој не играше негативец подобро од Питер. Но, тој исто така имаше нежна страна што повеќето луѓе никогаш не ја видоа, и срце големо како злато – рекол Едвардс.
Грин ја имаше својата прва телевизиска улога во 1990 година во епизода од криминалната серија на NBC „Хардбол“. Додека своето филмско деби го имаше две години подоцна во „Закони на гравитација“, во кој глумеше заедно со Еди Фалко.
Во текот на раните 1990-ти, тој постигна значајни улоги во филмовите „Чист бричен“ (1993), „Маската“ (1994), каде што го играше негативецот Доријан Тирел заедно со Џим Кери и Камерон Дијаз, и во филмот „Pulp Fiction“ (1994) од Квентин Тарантино, во кој го играше Зед.
Публиката го памети и по неговите улоги во филмовите „Kiss & Tell“ (1997), „The Usual Suspects“ (1995), „Blue Streak“ (1999) и „Training Day“ (2001), каде што глумеше заедно со Дензел Вашингтон и Итан Хоук.
„Тој беше еден од најдобрите карактерни актери во светот. Беше добар пријател кој ќе ви ја дадеше и последната кошула од него. Беше сакан и ќе ни недостига“, изјави Едвардс за Deadline.
Според неговиот менаџер, Грин во последните месеци работел на документарен проект наречен „Од американскиот народ: Повлекувањето на УСАИД“, кој се занимава со глобалните последици од повлекувањето на средствата од Агенцијата на Соединетите Американски Држави за меѓународен развој (УСАИД). Тој бил копродуцент и еден од нараторите на проектот, заедно со Џејсон Александар и Кетлин Тарнер.
Актерот Питер Грин е пронајден мртов во својот стан, беше најпознат по улогата во „Евтини приказни“
