Претседателката на Косово Вјоса Османи изјави дека договорот со Европската унија за чекори за деескалација на ситуацијата на северот е добра вест и дека се надева оти ЕУ ќе ги повлече воведените мерки кон Косово, пишува Коха. Османи рече дека Косово ја координира секоја акција со своите сојузници, додавајќи дека е важно да се задржи стабилноста на регионот.

Таа посочи дека Косово се однесува согласно своите институции и законски обврски.

„Се надеваме дека ЕУ ќе ги повлече неправедните мерки против Косово и можеме да продолжиме да работиме со поголем успех во дијалогот. Што се однесува до процедурите за подготовка на изборите, тоа не одзема многу време. Законите даваат можност да се организираат избори“, рече таа.

Таа додаде „дека Србите не излегле на избори на 23 април поради уцената на претседателот на Србија, Александар Вучиќ“.