Општина Дебар со апел до граѓаните строго да ги почитуваат препораките и правилата на однесување

Ова како што се наведува во апелот поради бројките на новозаразени со Ковид-19 во нашата земја, кои се разочарувачки, но и појавата на непочитување на препораките од дел од граѓаните.

Општина Дебар до граѓаните упати апел и понатаму да бидат примерни во почитувањето на препораките за заштита и правилата при престој во кафулиња, ресторани и други објекти.

Ова како што се наведува во апелот поради бројките на новозаразени со Ковид-19 во нашата земја, кои се разочарувачки, но и појавата на непочитување на препораките од дел од граѓаните.

-Ги замолуваме граѓаните на општина Дебар строго да ги почитуваат правилата кога се движат низ градот и нивниот престој во кафулиња и ресторани слично. Во нашата општина на 8 и 9 јуни ќе се спроведе тестирање на вработените во предучилишната установа и се надеваме дека ќе немаме позитивни случаи. Но, се е можно, бидејќи во градот започна негрижа и непочитување на мерки за заштита Ковид-19, стои во апелот на општината.

Во исто време се апелира до граѓаните, сопствениците на кафулиња, ресторани, такси возила, редовно според протоколот, да ги дезинфицираат, да се грижат за превентивните мерки затоа што „вирусот е се уште присутен и активен и особено опасност претставува вирусот увезен од други градови каде имаме информации дека број на заразените и мртвите е во пораст”.

-Посакуваме во Дебар да нема позитивни случаи со Ковид-19, но се е можно. Затоа бидете внимателни и совесни, завршува апелот на општина Дебар.

Во оваа општина,која беше прво жариште на Ковид-19 во државава, токму поради совесноста на жителите, кои строго ги почитуваа мерките и препораките на надлежните, заклучно со вчерашниот ден, 46 дена нема новозаразени со овој опасен вирус.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот