Олимписка драма за историја, Валиева се враќа дома без медал
Младата 15-годишна руска лизгачка Камила Валиева го освои четвртото место на Зимските олимписки игри во Пекинг во поединечна конкуренција, каде се натпреваруваше и покрај тоа што беше позитивна на допинг тестот.
Валиева беше во водство по кратката програма, но денеска направи неколку грешки при последниот настап и на крајот заврши на четвртото место.
Тоа практично значи дека ќе се одржи церемонија за доделување на медалите, бидејќи Меѓународниот олимписки комитет (ИОК) во понеделникот, по одлуката на Судот во Лозана да ѝ дозволи настап на Валиева, најави дека нема да има церемонија, доколку таа биде меѓу првите три.
Златото и среброто сепак ѝ припаднаа на Русија, првото место го освои Ана Шербакова, а второто Александра Трусова која денеска го имаше најдобриот настап.
Бронзата ѝ припадна на Јапонката Каори Сакамото.
„Њујорк тајмс“: Валиева користела три лека за срце од кои два се дозволени од ВАДА