ОФИЦИЈАЛНО: Потврден првиот случај на коронавирус во Македонија
Министерот за здравство Венко Филипче денес на прес-конференција во Владата потврди дека во Македонија е регистриран првиот случај на новиот коронавирус. Станува збор за пациентка родена 1970 година од Скопје.
Пациентката во раните утрински часови е хоспитализирана во Инфективна клиника во Скопје, во одделот за излоација. Се третира соодветно,епидемиолошките анализи укажуваат на тоа дека таа 1 месец била во Италија, а веќе две недели била болна и иницијално се третирала во Италија. Таму не е тестирана за коронавирус – рече министерот Филипче.
Пациентката непосредно по влегувањето во Македонија, директно се упатила на Инфективната клиника.
– Тоа ни дава за право да сметаме дека инкубацијата е од одамна помината и дека таа при транспортот не претставувала опасност да ја пренесе болеста, но постапуваме по сите протоколи и сите патници кои патувале со неа ќе бидат идентификувани, тестирани и ставени во 14-дневна изолација – додаде Филипче.