Паузата во најдобрите европски лиги поради Светското првенство им послужи на клубовите да работат на засилувања, а сега го добивме и првиот официјален трансфер.

Матеус Куња (23) е првото засилување под раководство на Хулен Лопетеги, менаџерот на Вулверхемптон.

Бразилскиот напаѓач од 1 јануари 2023 година ќе настапува како позајмица во премиерлигашот од редовите на Атлетико Мадрид.

Договорот на Куња со Вулверхемптон ќе важи до јуни 2027 година. Доколку дојде до откуп на договорот „јорганџиите“ ќе добијат 50 милиони евра.

Куња кој игра на позицијата централен напаѓач, во дресот на Атлетико Мадрид не ги оправда во целост очекувањата иако за неговите услуги беа платени 30 милиони. Постигна само два голови сезонава, односно седум од доаѓањето во шпанската „Ла Лига“.

Julen Lopetegui's first addition 🤩@mathcunha20 will join on loan from January 1st, 2023 ✍️

— Wolves (@Wolves) December 25, 2022