Официјално: Антонио Конте е новиот менаџер на Тотенхем
Како што и се најавуваше во изминатиот период, тоа денеска доби потврда од клубот, Антонио Конте ќе седне на клупата на Тотенхем.
Италијанскиот тренер доаѓа како замена за Португалецот Нуно Еспирито Санто кој доби отказ по поразот од Манчестер јунајтед (0:3) во Премиер лигата.
Конте потпиша договор со премиерлигашот од Лондон до лето 2023 година со опција истиот да биде продолжен.
Претходно во Англија го водеше Челси со кој ја освои Премиер лигата во сезоната 2016/2017, а една година подоцна и трофејот во ФА купот.
Негов последен клуб беше Интер со кој лани беше шампион во Серија А, а во сезоната 2019/2020 беше финалист во Лига Европа.
– Исклучително сум среќен што се враќам на тренерската работа и што го правам тоа во клуб од Премиер лигата кој има амбиција повторно да биде протагонист. Тотенхем има најсовремени објекти и еден од најдобрите стадиони во светот. Едвај чекам да почнам да работам за да им ја пренесам на тимот и на навивачите страста, менталитетот и одлучноста кои отсекогаш ме разликувале, како играч и како тренер – рече Конте за клупскиот сајт.
✍️ We are delighted to announce the appointment of Antonio Conte as our Head Coach on a contract until the summer of 2023, with an option to extend.
— Tottenham Hotspur (@SpursOfficial) November 2, 2021
Buongiorno Antonio… pic.twitter.com/26wgcdcYED
— Tottenham Hotspur (@SpursOfficial) November 2, 2021