Демократската партија на Албанците (ДПА) денеска во Тетово го одржува Централното собрание.

Членот на Централното претседателство на партијата, Имер Алиу, одговарајќи на новинарско прашање за тоа дали ќе станат дел од Владата, рече дека сè уште не добиле покана, но и дека, доколку ја добијат, не би ја одбиле. Имери нагласи дека ќе почекаат да видат како ќе се развива ситуацијата во наредните денови.

-Не, немаме добиено, но всушност нема да ја одбиеме поканата. Ќе имаме дијалог или дебата, поточно, со сите од сега па натаму, вклучително и со Владата. Едно е јасно, агендата на Демократската партија на Албанците и агендата на Владата и партиите на власт се чини дека се различни, но секако, ќе дебатираме со сите – рече Алиу.

Прашан за локалните избори, Имери изјави дека „поразот на ДУИ не е национална трагедија“, притоа нагласи дека е време за реализација на ветеното , за што одговорноста е на албанската партија која е дел од Владата.