Шефицата на надворешната политика на Европската Унија, Каја Калас, приватно им рекла на пратениците дека состојбата во светот значи дека ова можеби е добар момент „да се фатат за шишето“, објави „Омни“.

Калас им изјавила на лидерите на политичките групи во Европскиот парламент дека, иако вообичаено не пие многу, сега можеби е време да почне, имајќи ги предвид настаните ширум светот, според зборовите на две лица кои присуствувале на состанокот.

Таа зборувала приближно во исто време кога министрите за надворешни работи на Гренланд и Данска одржувале состанок со потпретседателот на Соединетите Американски Држави, Џеј-Ди Венс, и државниот секретар Марко Рубио, поради заканите на Доналд Трамп дека ќе го заземе арктичкиот остров.

Дипломатката на ЕУ – која ја координира надворешната политика на блокот во име на 27 влади и Европската комисија – ја изнела шегата на состанокот на Конференцијата на претседатели, односно состанокот на лидерите на пратеничките групи во Парламентот.

Нејзините коментари следеле откако водечките пратеници на Европскиот парламент меѓусебно почнале да си ја честитаат Новата година.

Истите тие пратеници додале дека, поради глобалните случувања, таа и не е баш толку среќна, според изјавите на присутните.

Со стравувањата во Европа дека Трамп би можел да го присоедини Гренланд, масовните протести против исламистичкиот режим во Иран, како и поради тековните конфликти во Украина и Газа и американската операција во Венецуела, геополитиката стана најитното прашање за Европската унија.

Калас подготвена да предложи нови санкции против Иран

Еден од најновите потези на Каја Калас беше изјавата за медиумот Политико дека е подготвена да предложи нови санкции против Иран, по репресијата на властите која, според извештаите, однела стотици животи.

Портпаролот на Каја Калас не одговорил веднаш на барањето за коментар, пишува Политико.