Национална пливачка федерација предводена од претседателот Горан Стојановски ги извести медиумите дека од страна на одделот задолжен за Интегритетот во светското пливање, добиена е потврда за суспензија на Александар Маленко.

– Потврдата е произлезена од лажните искази на Маленко за наши врвни пливачи и Олимпијци, нарушување на угледот на Федерацијата како во домашни така и во Светски рамки и дополнително задолжување – информираат од Националната пливачка федерација.

На Маленко му се забранува трајно да се занимава со какви било активности поврзани со пливачки спортови, односно спортови од надлежност на Националната пливачка федерација.

Одлуката се однесува и на активности кои не се натпреварувачки, како што се тренерски, судиски, едукативни, административни активности итн.

Минатата година во ноември, Стојановски објави соопштение во кое вели дека Маленко лажно се претставува како претседател на Пливачка федерација на Македонија.