Во Харбин, главниот град на кинеската покраина Хеилонгјианг, забранети се сите јавни собири откако е забележан пораст на новозаболени од коронавирусот.

Според податоците на кинеската Национална комисија за здравство, вчера во Хеилонгјианг биле забележани седум локално пренесени случаи на зараза со Ковид-19, заради што властите ги зголемиле мерките на ограничување, пишува Си-Ен-Ен.

Покраинската влада соопштила дека на сите граѓани во градот со 10 милиони жители им е дозволено да се дружат само во своите домаќинства.

Моментално во провинцијата Хеилонгјианг се забележани 54 случаи на зараза со коронавирус, од што 52 жители се од градот Харбин.