Нови проблеми за Германците, целата екипа на Динамо Дрезден во карантин
– Во наредните 14 дена не смееме да тренираме, ниту да играме натпревари – рече спортскиот директор на клубот, Ралф Минге.
Комплицирана е состојбата во Германија која наредната недела и официјално треба да ја продолжи фудбалската натпреварувачка сезона 2019/2020.
Коронавирусот и натаму е присутен, првите луѓе на германскиот фудбал покажаа храброст за враќање на натпреварите, но не е до крај јасно како организаторите планираат да се одржат натпреварите и да се контролира самата ситуација.
Zwei weitere Corona-Fälle: Gesamtes Zweitliga-Team ab sofort in 14-tägiger Quarantäne. Ausführliche Informationen zur aktuellen Situation bei der SGD gibt es hier: https://t.co/mb1BhViDJZ #sgd1953 pic.twitter.com/U3ikjMQX7n
— SG Dynamo Dresden (@DynamoDresden) May 9, 2020
На една недела пред рестартирањето на натпреварувања, се појави нов проблем. Во второлигашот Динамо Дрезден двајца играчи се позитивно тестирани на коронавирус, и донесена е одлука целата екипа да биде 14 дена во карантин, вклучувајќи го и стручниот штаб.
– Играчите кои се заразени немаат симптоми на коронавирус. Во контакт сме со надлежните органира и ДФЛ за да знаеме што да правиме понатаму. Во наредните 14 дена не смееме да тренираме, ниту да играме натпревари – рече спортскиот директор на клубот, Ралф Минге.
Динамо Дрезден требаше да игра на гостински терен на 17 мај против Хановер во втората Бундеслигата, но истиот е одложен.
