Иранскиот политички врв се соочува со нови внатрешни тензии откако претседателот на парламентот Мохамед Багер Калибаф поднесе оставка од функцијата шеф на иранскиот тим во преговорите со САД, објави израелскиот медиум Канал 12, без да наведе конкретен извор.

Според информациите, Калибаф ја донел одлуката поради зголеменото влијание и мешање на генералите од Корпусот на Исламската револуционерна гарда во текот на преговарачкиот процес. Истите наводи ги пренесува и Тајмс оф Израел.

Има ли некој во Техеран да го каже судбоносното „да“ за крај на војната?

Спорот кулминирал околу катарски предлог за намалување на тензиите во Ормускиот Теснец, една од најважните глобални поморски рути за транспорт на нафта. Планот предвидувал симетричен премин на 20 ирански бродови и 20 бродови од арапските пристаништа во Заливот.

Израел: Чекаме зелено светло од САД и ќе го вратиме Иран во „камена доба“

Ваквиот предлог, според медиумските извештаи, предизвикал силно незадоволство кај Калибаф, што на крај довело до негово повлекување од преговарачката позиција. Засега нема официјална потврда од иранските власти за настанатите состојби.