Белградскиот бенд „Ван Гог“ никако да ја истроши својата креативна енергија. Акустичната верзија на песната „Опасен танц“, меѓу другите песни, ја формираше и основата на акустичниот албум на групата „Ван Гог“, објавен под името „Ако застанеме, ќе изгубиме сѐ“ во 2016 година. Ова ново видео (2025) е увертира во прилог на новите достигнувања на групата (неодамна објавената песна „Луд и сам“) и други, што публиката ќе има можност да ги слушне 2026 година, кога „Ван Гог“ наскоро ќе прослави 40 години од својата творечка дејност и 10 години од споменатиот акустичен албум, кој за таа прилика ќе се појави и на винил.

Инаку, музиката во спотот е дело на Звонимир Ѓукиќ, Александар Хабиќ, на текст од Звонимир Ѓукиќ, аранжман на Воислав Аралица, Звонимир Ѓукиќ, микс и продукција на Воислав Аралица, снимање и дигитална монтажа на Сања Ѓуричиќ а сето снимено во студио „Сиена“, Белград. Видеото е од 2025 година кое е во режија, камера, монтажа и продукција на Дејан Сениќ. Улогите во спотот ги толкуваат Соња Первова и Данила Первов. Новиот албум на бендот е во подготовка а во 2026 година ќе следува негова промоција и објава; по повод 40 години на сцена и промоција на новиот албум, бендот ќе тргне на турнеја низ регионот и градовите низ светот во пресрет на својата публика.