НОВ ПРЕСВРТ ВО БРИТАНИЈА: Парламентот го отфрли планот на Џонсон, следуваат избори?
Британските пратеници го расипаа планот на Борис Џонсон за „провлекување“ договор за Брегзит низ парламентот пред рокот на 31 октомври, и покрај тоа што претходно денес тој се закани дека ќе го повлече својот предлог и ќе побара распишување на избори, објавуваат британските медиуми.
По целодневното дебатирање меѓу премиерот и пратениците, предлогот на владата тесно загуби, со само 14 гласови разлика.
Пратениците ја одбија „предлог-програмата“ со образложение дека им е одреден краток, тридневен рок за да го прочелаат договорот напишан на 110 страни.
Предлогот е објавен доцна синоќа, а советникот Саџид Џавид одби да ја објави економската анализа на договорот, пишува „Гардијан“. Затоа, дури и некои пратеници кои претходно беа подготвени да го поддржат предлогот на Џонсон, рекоа дека не можат да се согласат со толку кратка расправа.
Долниот дом претходно на второто читање го поддржа договорот за излез на Британија од Европската Унија со 329 гласови, наспроти 299 гласови кои беа против.
Претходно денес, Џонсон го предупреди парламентот дека ако неговиот план пропадне, Британија ќе мора да излезе на избори.