Како што се приближува почетокот на Светското фудбалско првенство, се повеќе се зборува за екстремни временски услови во САД, Канада и Мексико.

Високите температури би можеле да влијаат на бројни национални тимови, првенствено од Европа, а според информациите што доаѓаат од САД, Норвешка била принудена да ги скрати тренинзите поради екстремна топлина и влажност.

Скандинавците тешко се прилагодуваат на условите што ги очекуваат за време на турнирот, а експертите веќе некое време предупредуваат дека климата би можела да претставува една од најголемите пречки за европските тимови.

Пред неколку дена, и Англичаните се пожалија на екстремните услови.

Играчите на Томас Тухел тешко ги издржаа временските услови по пристигнувањето во САД, а организаторите веќе воведоа дополнителни паузи за освежување за време на натпреварите.

Многумина веруваат дека националните тимови од Јужна Америка, Африка и делови од Азија ќе имаат одредена предност бидејќи се повеќе навикнати да играат на високи температури. Од друга страна, европските тимови, особено оние од северот на континентот, би можеле да се соочат со сериозни проблеми.

Норвешка е во групата И, а својот прв натпревар ќе го игра на 17 јуни против Ирак. Шест дена подоцна, нивен противник ќе биде Сенегал, а групната фаза од турнирот ќе ја завршат со дуел со Франција.