Голманот на англиската фудбалска репрезентација Ник Поуп и официјално е нов играч на Њукасл откако потпиша четиригодишен договор со најбогатиот клуб на светот.

Поуп на „Сент Џејмс парк“ стадионот доаѓа од Барнли која испадна од Премиер лигата.

– Поуп е неверојатен голман. Многу сум среќен што ќе имаме силна конкуренција на голманската позиција – изјави менаџерот на Њукасл, Еди Хау.

Поуп во последните шест години го носеше дресот на Барнли за кого одигра 155 натпревари.

– Едвај чекам да започнам со тренинзите. Ни требаа неколку недели да се договориме и воодушевен сум што сум тука – рече Поуп.

За англиската репрезентација, Поуп дебитантскиот настап го имаше на пријателскиот натпревар против Костарика во 2018 година и оттогаш забележа осум настапи за „Гордиот Албион“.

Њукасл во првото коло од новата сезона ќе игра против Нотингем Форест.