Љупчо Николовски не е виновен за децениските проблеми во државата. Оваа генерација политичари, предводена од Зоран Заев, Оливер Спасовски и целиот наш тим, направи крупни чекори за земјата. По три децении станавме членка на НАТО и сме пред почеток на преговори со ЕУ, рече денеска вицепремерот за борба против корупцијата и криминалот, Љупчо Николовски, отфрлајќи ги обвинувањата на ВМРО-ДПМНЕ дека оваа власт е причината што земјава е историски најлошо рангирана според индексот на корупција.

Според Николовски, ВМРО-ДПМНЕ е симбол на корупцијата и криминалот, а оваа Влада, освен на реформите и европската агенда, посебен акцент стави и на борбата против криминалот и корупцијата, како и на реформите во судството.

-А ВМРО-ДПМНЕ и на централно и на локално ниво е симбол на корупцијата и криминалот, со огромен број постапки, кривични пријави, обвиненија. Ова целосно нереформирана партија целосно го блокираше законот за Јавно обвинителство, се потпираше на трансфер на предметтие за криминал и корупција од СЈО, ги блокирашпе сите процеси низ кои требаше да трген и да оди оваа земја. Затоа сме влезени силно и бескомпромисно, неселективно во овие клучни приоритети, истакна Николовски.

Тој потсети дека последните неколку години 3.300 предмети се застарени во судовите. Токму таму, смета Николовски, е проблемот што го нотира Транспаренси интернешнл ако длабоко се анализира целокупната студија или истражување.

-Ние ја прифаќаме реалноста, но и ја менуваме. Со секоја нова постапка и случај ја враќаме довербата кај граѓаните, а системот и општеството ги модернизираме. Затоа, врвен приоритет на оваа Влада е борбата против криминалот и корупцијата, рече вицепремиерот.

Тој во оваа прилика посочи дека СДСМ интензивно продолжува со внатрепартискте реформи. За 10 дена 20.000 членови го ажурирале своето членство, а 1.563 тимови на партиските месни одбори се активни во 74 општински комисии.

-СДСМ се менува за уште подобро да им служи на граѓаните.Оваа порака им ја упативме и на жителите од источниот дел на земјата. Задоволен сум што позитивно гледаат на овие демократски промени во партијата, истакна Николовски и дополни дека модернизацијата на партијата ќе финишира на 21 март со првите непосредни избори на кои ќе се гласа за претседател на СДСМ.

СДСМ, подвлече Николовски, е отворена за нови членови, а секој што сака може да аплицира и онлајн.

Николовски во придружба на министерот за внатрешни работи, Оливер Спасовски денеска присуствуваше на пуштањето во употреба на патниот правец од кочанската населба Оризари до туристичкиот локалитет Добра Вода.