НЕВЕРОЈАТНО: Мотивот за пукањето во Ковачевиќ е неговата убава ќерка?
Грчката полиција интензивно работи на расветлување на пукањето во Дарко Ковачевиќ.
Поранешниот српски репрезентативец синоќа беше застрелан пред неговиот дом во Атина. Тој беше застрелан во ногата, а полицијата неколку часа подоцна пронајде запален автомобил на околу 700 метри од местото на нападот. Полицијата е убедена дека напаѓачот го возел токму тој автомобил бидејќи во него бил пронајден и пиштол.
Дарко Ковачевиќ се наоѓа нов животна опасност, а денеска веќе почнаа да се шират гласините и да се бараат мотивите нападот врз него. Последната вест која грчките медиуми ја лансираа е дека мотивот е ќерката на поранешниот фудбалер.
Иако нема никакви докази за ова тврдење, тие шекулираа дека убавата 22-годишна Стела и во минатото имала проблеми и поради тоа не е исклучено сега во нејзините „сомнителни“ дејствија несвесно да го вклучила и својот татко.
Таа во 2017 година беше учесник во тешка сообраќајна несреќа и тоа како совозач. Во несреќата беа повредени тројца нејзини пријатели, а најтешки повреди имал возачот на вториот автомобил на кого Дарко Ковачевиќ му го платил лечењето.
Минатата година, Стела била уапсена поради поседување на хашиш, а полицијата ја уапсила додека била во автомобил со уште една девојка и со две момчиња.
Полицијата во Атина засега не се огласи со никакво соопштение, освен со изјава на портпаролот дека работи на случајот и ќе се огласи кога ќе имаат конкретни докази за нападот врз поранешниот српски репрезентативец.