Федерика Брињоне испиша нова страница во италијанската скијачка историја, освојувајќи златен медал во супервелеслалом на Зимските олимписки игри во Кортина и Милано. Трката ја одбележаа бројни излетувања од патеката бидејќи од вкупно 43 натпреварувачки, дури 17 не успеаја да стигнат до целта.

Најпроблематичен беше средишниот дел од патеката, каде што пад доживеа и 30-годишната Американка Бризи Џонсон. Актуелната олимписка шампионка во спуст закачи врата, се заврте и со голема брзина удри во заштитната ограда. Иако падот изгледаше драматично, Џонсон веднаш стана и сама ја напушти патеката.

⛷Esquí Alpino – Súper-G:

▶️A la espera de la participación de 🇦🇷Baruzzi y Begue muchas participantes están teniendo dificultades en terminar la carrera

▶️Aca la caída de la doble medallista Breezy Johnson, la estadounidense pudo retirarse por sus propios medios#MilanoCortina pic.twitter.com/R69ZnzIDeD

— Argentina rumbo a los Juegos Olímpicos (@ArgEnOlimpicos) February 12, 2026

Покрај нејзиното излетување, изненадување беше и настапот на Софија Гоџа, водечка во оваа дисциплина во Светскиот куп, која исто така не ја заврши трката.

Инаку, Џонсон само неколку дена претходно се закити со злато во спустот, трка во која нејзината сонародничка Линдзи Вон доживеа тешка повреда.

Брињоне, која има 35 години, патеката „Олимпија деле Тофане“, долга 2.105 метри, ја мина со време од 1:23.41 минута и заслужено се искачи на највисокото место на подиумот. Среброто ѝ припадна на Французинката Роман Мирандоли со заостанување од 0,41 секунда, додека бронзата ја освои Австријката Корнелија Хитер, која задоцни 0,52 секунди зад победничката.

За Брињоне ова е прво олимписко злато во кариерата. На Игрите во Пекинг 2022 таа освои сребро во велеслалом и бронза во комбинација, а бронзен медал има и од Пјонгчанг 2018 во велеслалом.