Израелскиот премиер Бенјамин Нетанјаху изјави дека воената кампања против Иран го спречила Техеран да развие нуклеарно оружје во блиска иднина и отстранила егзистенцијална закана за Израел, пренесува „Тајмс од Израел“.

„Го спасивме Израел од заканата од нуклеарно уништување. Без големите воени операции спроведени со САД, Иран веќе би имал нуклеарни бомби“, рече Нетанјаху.

Тој додаде дека воената кампања ја отстранила таа опасност за неколку години. Техеран ги негира обвинувањата за развој на нуклеарно оружје, инсистирајќи дека нуклеарната програма е наменета исклучиво за цивилни цели.

Нетанјаху повтори дека никогаш нема да дозволи Иран да се здобие со нуклеарно оружје.

„Со или без договор, сè додека сум премиер на Израел, тоа нема да се случи“, рече тој.

Тој исто така рече дека кампањата на Израел против Иран и неговите регионални сојузници не е завршена.

Прашан за несогласувањата со американскиот претседател Доналд Трамп, Нетанјаху рече дека двајцата не секогаш делат исти ставови.

„Јас сум одговорен за безбедносните интереси на Израел“, рече тој.

По неколку недели преговори, САД и Иран се согласија за рамковен договор со кој ќе се стави крај на повеќе од тримесечната војна во Иран и повторно ќе се отвори Ормутскиот теснец. Договорот треба официјално да биде потпишан во Швајцарија во петок.

Сепак, многу детали од договорот сè уште не се откриени.Во Израел, договорот беше критикуван првенствено од опозициските политичари, кои го опишаа како капитулација пред Иран.

Израел не мора да го почитува договорот на Трамп со Иран, вели министерот Бен Гвир