Македонскиот напаѓач Илија Несторовски ќе продолжи да го носи дресот на Славен Белупо и во наредниот период, откако клубот oдлучил да ја продолжи соработката со искусниот голгетер.

Според информациите на хрватскиот медиум „Германијак“, раководството на клубот од Копривница донело одлука да задржи двајца важни фудбалери во тимот, па нови договори добиле Несторовски и неговиот соиграч Љубан Црепуља.

Новиот договор на македонскиот интернационалец би требало да има важност од уште една сезона, а во наредниот период се очекува и официјална потврда од клубот.

Несторовски сезонава игра во солидна форма и на 21 натпревар постигна шест гола и додаде уште три асистенции.