Македонскиот интернационалец Илија Несторовски имаше клучна улога во убедливата победа на Славен Белупо од 3-1 над Вараждин во 11. коло на хрватската лига.

Несторовски беше асистент во 24. минута, кога Шуто постигна гол за 1-0, а подоцна учествуваше и во зголемувањето на предноста на 2-0. Во 35. минута Мамиќ намали на 2-1 и ја врати надежта кај Вараждин, но македонскиот репрезентативец повторно се истакна во 58. минута со асистенција до Јагушиќ за конечни 3-1.

Покрај Несторовски, на теренот се најдоа уште двајца македонски интернационалци, Леонард Жута кај Славен Белупо и Ване Јованов кај Вараждин.

Со овој триумф, Славен Белупо се искачи на четвртото место со 16 бодови, еден повеќе од Вараждин, а Несторовски во досегашниот дел од шампионатот има еден погодок и три асистенции.

Преземено од: Спорт.ком.мк