Неодоливи и вкусни: Подгответе совршено тесто за гурабии
Малку е веројатно дека постои дете или возрасен човек кој не сака свежо печени, топли, мирисни и ароматични гурабии. Без разлика дали се готвени за некоја специјална пригода или се дел од секојдневно мени, тие се радост за малите и големите.
Ако спаѓате во малцинството кои не научиле како да приготват гурабии, ќе ви помогнеме со откривање на тајната на совршено тесто за гурабии. Еве што е важно да знаете и како да го подготвите.
Секогаш користете свежи производи при приготвувањето тесто. Брашното задолжително неколку пати просејте го, за да бидат помеки гурабиите. Потребните состојки за тесто пред употреба извадете ги од фрижидер за да добијат собна температура. Кога го правите тестото за гурабии ставете сода бикарбона измешана со кисело млеко.
Кога ги ставате во плех готовите гурабии, секогаш оставете доволно место меѓу нив, затоа што ќе нараснат и да не се залепат. Најдобро е да ги ставите на хартија за печење, за да заштедите време за чистење на плехот. Гурабиите печете ги во претходно загреана рерна на 180 степени, а за време на печењето не ја отворајте рерната, затоа што нема да нараснат.