Необични факти за познатите: Обама го обожава Хари Потер, Анџелина Џоли сакала да балсамира луѓе
Познатите личности секако дека имаат одредени особености и карактеристики како и сите обични луѓе од крв и месо. Нивните животни ситуации се преполни со анегдоти, но и невообичаени факти кои можеби малкумина ги знаат. Ги откриваме некои од најинтересните.
Аријана Гранде
Пејачката го „позајмила“ ова име од цртаниот филм „Мачорот Феликс“, а самата е алергична на мачки. Очигледно дека ѝ се посреќило, барем со името.
Кијану Ривс
Ретко кој знае дека омилено место за релаксација на познатиот хуманитарец и актер Кијану Ривс се библиотеките. Овој човек кој помага во многу добротворни цели, исто така ги знае сите сонети на Шекспир напамет и ги рецитира без проблем.
Ријана
Поп ѕвездата која ужива огромна светска популарност во родниот Барбадос е третирана како вистинска „светица“. Имено, жителите во чест на пејачката имаат одреден ден „Денот на Ријана“ каде се слави нејзиниот лик и дело и цел ден се слуша нејзината музика. Интересно, зарем не?
Леонардо Ди Каприо
Холивудскиот актер често ја раскажува вистинската приказна околу тоа како го добил своето име. Неговите родители биле на одмор во Фиренца, шетајќи низ една позната галерија. Кога мајка му застанала пред слика на Леонардо Да Винчи, малиот Лео силно клоцал во стомакот на мајка му. „Тоа беше знак“ – изјавиле родителите.
Анџелина Џоли
Во младоста, холивудската актерка јавно ја толкуваа како перверзна и бизарна личност. Не е ни чудо, ако се земе предвид фактот дека ја интересирале студии за балсамирање тела, но и организирање погреби. Во периодот кога беше со Били Боб Торнтон, парот јавно ја искажуваше љубовта со взаемно пиење крв.
Дејвид Боуви
Десната зеница на пејачот е проширена, откако неговиот школски пријател Џорџ Андервуд го удрил во тепачка, наводно за девојка. Години потоа, тие станале добри другари, но проширената зеница на Дејвид стана феномен и многу луѓе мислат дека тој имаше различна боја на очите, а всушност не е така.
Барак Обама
Поранешниот претседател на САД можеби е професионалец и човек кој постојано носи вратоврска, но кога ќе си дојде дома, сака да „нурне“ во светот на магијата. Имено, познато е дека политичарот е страствен обожавател на серијалот книги „Хари Потер“ и голем почитувач на делата на Џ.К Роулинг.
