Недвед и Алегри го објаснија „случајот Роналдо“
Тренерот на Јувентус, Масимилијано Алегри ги демантираше написите во италијанските медиуми поврзани со неиграњето на Кристијано Роналдо.
Медиумите пренесоа дека самиот фудбалер барал од тренерот натпреварот да го започне од клупата за резервни играчи, за да се заштити од евентуални повреди во случај да си замине од клубот пред крајот на предниот рок. Роналдо на натпреварот против Удинезе влезе во игра во 60 минута, а во судиското продолжение му беше поништен гол поради офсајд.
Но, Алегри изјави дека негова одлука беше Роналдо да не биде на теренот од првата минута.
– Роналдо се чувствува добро, зборував со него пред натпреварот и му реков дека ќе биде на клупата. Тој се стави на расополагање, одигра добро кога влезе во игра – изјави Алегри.
Истото го потврди и потпретседателот Павел Недвед.
– Не смееме да правиме сензација таму каде што нема причини. Тоа беше одлука на тренерот. На почетокот од сезоната нормално е Роналдо да не биде во најдобра форма. Тренерот се обидува на теренот да го изведе најдобриот тим и можам да потврдам дека Роналдо апсолутно останува во Јувентус оваа сезона – рече Недвед.
Португалецот има уште една година од договорот со „старата дама“, а во текот на летото се шпекулираше со негово заминување и преселба во Реал Мадрид, ПСЖ или Манчестер јунајтед.