Кошаркарот на Филаделфија, Џоел Ембид, ќе го пропушти натпреварот од НБА лигата против Атланта поради повреда на десното колено.

– Додека учествуваше во програма за третман на десното колено за време на паузата за Ол-стар натпреварите, Ембид почувствува болка. Ембид добива дневен третман по консултации со лекари, работеше на теренот и правеше кондициски вежби. Повеќе информации за степенот на неговата повреда ќе бидат објавени подоцна во текот на неделата – соопштија од Филаделфија.

Ембид одигра 31 натпревар во НБА оваа сезона, со просек од 26,6 поени, 7,5 скока и 3,6 асистенции по натпревар.

Мечот помеѓу Филаделфија и Атланта ќе се игра во петок од 01.00 часот по средноевропско време.

Филаделфија е на шестото место на табелата во Источната конференција на НБА со 30 победи и 24 порази.