Одговорноста за смртта на рускиот опозиициски лидер Алексеј Навални лежи во Москва оценува експертот за човекови права на ОН во Русија, Маријана Кацарова.

Според неа тој е или убиен или починал поради тортура.

Долгите периоди поминати во самица, вели Кацарова, би можеле да бидат причина за „спора смрт“ и оценува дека и други затвореници во таа земја би можеле да ја доживеат истата судбина како Навални, напоменувајќи дека е многу загрижена за опозицискиот политичар Владимир Кара-Мурза.

Во свое претходно обраќање во ОН Кацарова повика на поголем притисок врз Москва да ги ослободи политичките затвореници и да ја истражи смртта на Навални.

Руските власти соопштија дека Навални починал на 16 февруари од природна смрт.