Папагалите важат за љубопитни миленичиња кои сакаат да ја пробаат храната што ја јадат нивните сопственици, но неколку намирници можат да бидат токсични и штетни за нивното здравје.

Меѓу нив како омилен десерт се издвојува чоколадото, кое сепак може да биде смртоносно за птиците. Ако птиците ја консумираат оваа храна, може да имаат проблеми со повраќање, дијареа и напади.

Исто така, семките од јаболката и овошјето како црешите и праските содржат цијанид, додека плодот може да содржи пестициди. Затоа е важно секогаш да го отстранувате средниот дел и темелно да го измиете овошјето пред да ѝ го понудите на вашата птица.

Ако пробаат некој од вашите пијалаци, птиците може да доживеат труење со алкохол, што има штетно влијание врз нивните органски системи и може да биде фатално.

Премногу сол, исто така, доведува до дехидрација, проблеми со бубрезите и затоа е важно да се ограничи внесувањето на солена храна кај птиците.

Освен тоа, кората и кожата на авокадото може да предизвикаат срцеви проблеми кај птиците. Печурките исто така може да предизвикаат проблеми со варење и откажување на црниот дроб кај вашите миленици.

Доматите се безбедни за птиците, но поради високата киселост, сепак тие не се најдобриот избор за храна. Исто така, стеблата и листовите од доматите се отровни за вашите миленици.

Кофеино во пијалаците доведува до проблеми со срцето кај птиците, како што е брзиот пулс. Прекумерното консумирање кромид, исто така, доведува до проблеми со варењето и анемија.