Најмалку 29 лица загинаа, а околу 40 се водат како исчезнати по лизгањето на земјиштето предизвикано од поројните дождови во југоисточен Бразил, според службите за итни случаи и локалните власти, а Хуиз де Фора, во сојузната држава Минас Жераис, е епицентарот на трагедијата, пренесува Би-би-си.

Тројца пожарникари извлекоа тело на маж од калта, меѓу урнатините на десетина куќи смачкани од свлечиште во Парк Бурние, на рид во Жуиз де Фора, град со околу 540.000 жители во долина во државата Минас Жераис. Бројот на жртви во таа област се искачи на најмалку 22.

Уште седум лица загинаа во поплави и лизгање на земјиштето во соседниот град Уба.

Por que a chuva foi tão intensa em Juiz de Fora e Ubá? Demétrio Magnoli explica os fatores que influenciaram na formação da tempestade que atingiu as cidades mineiras.

➡ Assista ao #EmPauta na #GloboNews: https://t.co/yAMjf4cw3V pic.twitter.com/YgYHsjtLPu

— GloboNews (@GloboNews) February 24, 2026

Градоначалничката на Хуиз де Фора, Маргарида Саломао, прогласи состојба на катастрофа во зори, опишувајќи ја ситуацијата како „сериозна“ поради „интензивните и постојани“ врнежи од дожд што предизвикаа околу 20 лизгања на земјиштето.

Градот го бележи највлажниот февруари во својата историја, со врнежи од дожд кои достигнаа 584 милиметри, што е двојно повеќе од просекот за целата година.

🚨 #ALERTA | Al menos 28 muertos y 40 personas desaparecidas tras intensas lluvias y deslizamientos de tierra en Minas Gerais, Brasil. pic.twitter.com/90cUyCWJ7V

— Mundo en Conflicto 🌎 (@MundoEConflicto) February 24, 2026

Сведоштва од внатрешноста на урнатините

Во Парк Бурние беа уништени десетина куќи, изјави за АФП шефот на противпожарната служба Деметриус Гуларт, истакнувајќи дека многу од жртвите „биле во своите домови“.

Вилтон Апаресидо де Соуза, 42, не можеше да ги задржи солзите. Неговиот 20-годишен син е под урнатините на срушената куќа.

„Неговиот живот е во Божји раце. Тој е добро момче, ќе ја завршеше воената служба, сакаше да купи мотор“, рече тој. „Барем можеме да го најдеме неговото тело, за да можам да го погребам достоинствено“, додаде тој.

Десетици жители во тишина гледаа како пожарникарите неуморно работат во потрага по преживеани. Секој пат кога механизацијата ќе застане, тишината стануваше се поголема.

Veja os estragos causados pela chuva em Juiz de Fora, em Minas Gerias. Mais de 29 pessoas morreram. pic.twitter.com/5Y1ZXQxkqn

— Band Jornalismo (@BandJornalismo) February 24, 2026

„Речиси сите луѓе закопани во ова свлечиште се мои роднини – мојата сестра, мојата внука“, рече 32-годишниот менаџер на магацин Клејтон Хонан. „Врискав, се молев (…) Се чувствувам тажно, но се надевам дека ќе најдеме преживеани“.

Corpo de bombeiro 🧑‍🚒 trabalhando sem parar , em Ubá e Juíz de Fora 😢 pic.twitter.com/dCM9RbspZT

— Senhora RIVOTRIL🚩❤️ (@SRivoltril) February 24, 2026

Сепак, координаторот за цивилна заштита во Минас Жераис, Пауло Хуберто Бермудез Хезенс, предупреди: „Како што минуваат часовите, шансите за пронаоѓање преживеани стануваат сè помали“.

Ризик од нови катастрофи

Волонтерите пристигнаа со лопати за да помогнат во спасувачките напори. Операцијата е отежната поради ризикот од нови поплави и лизгање на земјиштето, како и структурните проблеми на бреговите и во областите во близина на реката Параибо, која се излеала, според Енхике Барселос, заменик-началник на противпожарната служба на Минас Жераис.

Властите ги затворија училиштата во погодените општини, додека жителите на своите мобилни телефони снимаа како зградите се уриваат за неколку секунди.

Бразилскиот претседател Луиз Инасио Лула да Силва изјави преку платформата Икс:

„Наш приоритет е да гарантираме дистрибуција на хуманитарна помош, обновување на основните услуги, помош за раселените лица и поддршка за реконструкција“.

Континуирани екстремни катастрофи

Бразил во последните години доживеа повеќекратни трагедии поради екстремни временски настани. Во 2024 година, поплавите на југот однесоа повеќе од 200 жртви и околу два милиони погодени, во една од најлошите катастрофи во модерната историја на земјата. Во 2022 година, силна бура во Петрополис, во државата Рио де Жанеиро, одзеде 241 живот.

Експертите ги поврзуваат повеќето од неодамнешните смртоносни катастрофи со ефектите од климатските промени.