Тимот на Алексеј Навални тврди дека оперативци на руската Федерална служба за безбедност (ФСБ) се на јахтата „Шехерезада“, која во моментов се поправа во Италија. Иако сопственикот на оваа јахта не е познат, тимот на Навални дошол до податоци кои докажуваат дека јахтата е поврзана со рускиот претседател Владимир Путин.

?Italy has been urged to seize a superyacht allegedly owned by Vladimir Putin after an investigation by the anti-corruption unit of Alexei Navalny, Russia’s jailed opposition leaderhttps://t.co/rXcQFpXykV

— The Telegraph (@Telegraph) March 22, 2022

Шехерезад се наоѓа во Марина ди Карара, мал италијански град на тосканскиот брег. Таа е на поправка и одржување во Италија, и се смета за една од најголемите, најновите и најскапите суперјахти во светот.

Луксузниот брод е под надзор на италијанските власти, со оглед на санкциите што Европската унија и САД ги воведуваат кон руските граѓани. Еден сегмент од овие санкции вклучува заплена на имот од страна на олигарси поврзани со Кремљ.,

Alexei Navalny’s team said the £500 million yacht was staffed by officers of the Russian Federal Security Service

⚓️The vessel, called Scheherazade, is undergoing repairs and maintenance at a marina in western Italy pic.twitter.com/2LGAPbATcq

— The Telegraph (@Telegraph) March 22, 2022

Досега се запленети јахтите на Олег Дерипаска, Андреј Мелниченко, Вагит Алекперов, Алишер Ушманов, Игор Сечин, Алексеј Мордашов и Генадиј Тимченко. Италијанските власти сега се под голем притисок да го направат истото и со „Шехерезада“, но конечната одлука се уште не е донесена.

Јахтата „Шехерезада“ која е поврзана со Путин е долга речиси 140 метри, а се проценува дека вреди околу 700 милиони долари.

Во внатрешноста на јахтата има базен, кој може да се затвори и да се претвори во подиум за танцување. Располага со целосно опремена теретана и позлатена опрема за бања.

Капетанот на луксузниот брод не ја исклучи можноста сопственикот на бродот да е Русин, но одби да каже повеќе за неговиот идентитет.

Мистеријата на Шехерезада

Сопствениците на суперјахти обично не се изложуваат јавно, ниту пак сакаат да знаат што поседуваат. Сепак, „Шехерезада“ е обвиткана во необичен превез на тајност.

Сите работници на овој брод и членовите на екипажот мора да потпишат договори за доверливост, а нивните имиња исто така остануваат мистерија за сите надвор од суперјахтата.

Кога „Шехерезада“ првпат пристигна во пристаништето, работниците поставија висока метална бариера на пристаништето за делумно да ја заштитат јахтата од набљудувачите. Некои локални жители рекоа дека никогаш не виделе нешто слично на други јахти.