Надал: Ова се случува само еднаш во 1.000 меча – Слободен печат
ОстанатoСпорт

Надал: Ова се случува само еднаш во 1.000 меча

Првиот рекет на АТП ранг листата ја оствари првата победа во групната фаза на завршниот Мастерс турнир и тоа со неверојатен пресврт.

Надал со 2:1 во сетови го совлада Данил Медведев откако во третиот сет губеше со 1:5 во гемови.

– Не играв најдобро што можам, далеку сум од тоа. Се надевам дека ќе бидам подобар во наредните дуели. Оваа победа беше комбинација на различни фактори: среќа, грешките на Данил и моите добри моменти на крајот. Генерално сум задоволен со начинот на кој играм во Лондон, посебно ако се знае дека не тренирав со вообичаеното темпо поради повредата. Меч како денешниот и ваков пресврт се случува само еднаш во 1.000 натпревари. Многу ми е мило за победата, но во исто време ми е жал за Данил, кој треба да се гордее со играта и резултатите во последниот период – вели Надал кој објасни како размислуваше кога губеше во третиот сет:

– На 1:5 мислев дека за пет минути ќе бидам во соблекувалната. Тогаш играв без притисок бидејќи бев блиску до пораз. На 2:5 бев свесен дека пресврт против Медведев е екстремно невозможен. Дококу игравме на земја, ќе размислував поинаку бидејќи се играат повеќе поени, но на ваква подлога, мислите ми беа во соблекувалната. Но, на 3:5 веќе почнав да верувам дека можам да направам пресврт.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close