Над 90 проценти од капацитетите на Министерството за внатрешни работи се ангажирани за обезбедување на Локалните избори, со засилено присуство на терен, особено околу „жешките точки“ каде што се очекува поголема фреквенција на граѓани, соопшти министерот Панче Тошковски.

Во врска со изборниот молк, Тошковски посочи дека вчера биле евидентирани четири настани со потенцијални прекршувања, за кои се преземаат соодветни истражни дејствија.

-Очекувам денот да продолжи во мирна и демократска атмосфера и ги повикувам сите граѓани да го искористат своето право на глас и да ја дефинираат иднината на своите локални заедници, порача министерот.

Тој информираше дека гласањето е започнато на сите избирачки места, вклучително и во едно мало село во општина Прилеп каде што имало кратко доцнење.