Нешто помалку од 71.000 Украинци побегнаа во Романија откако Русија ја нападна Украина, а повеќе од половина од нив веќе ја напуштија земјата преку нејзината бугарска и унгарска граница, изјави во понеделникот владиниот портпарол Ден Карбунару, пренесува Ројтерс.

Тој додаде дека романската влада организирала испорака на хуманитарна помош за Украина од донации направени од граѓанското општество, вклучувајќи лекови и други санитарни производи, храна, вода, зимска облека и ќебиња.

Одделно, илјадници волонтери на граѓанската технолошка активистичка група Код за Романија изградија онлајн платформи за управување со ресурсите и волонтерите што им ги ставија на располагање на властите.