Од почетокот на кариерата, Ник Кирјос, наместо со талентот, вниманието кон себе го привлекува со своето непримерно однесување.

Последниот испад на Кирјос е на Мастерсот во Рим од кој е дисквалификуван поради низа инциденти кои ги направи за време на дуелот со Каспер Руд. Австралијанецот незадоволен од однесувањето на навивачите но и на линискиот судија, влезе во расправија со главниот судија, потоа фрли столче на терен поради што загуби гем, и на крајот самоиницијативно го напути теренот.

Тоа донесе до дисквалификација на Кирјос од Мастерсот во Рим, а еден од многумината кои го осудија ваквото однесување е и вујкото и поранешниот тренер на Рафаел Надал, Тони Надал.

– Видев што се случи и навистина и болно. Кирјос влезе во ритам кој само му штети, му фали некоја даска во главата бидејќи ова не е нормално однесување за еден тенисер. Во овој момент тој е многу лош за тенисот. Тоа што АТП треба да го направи е да не му дава публицитет на Кирјос, тој воопшто не прави ништо добро за тенисот и потребна му е суспензија – вели Тони Надал.