Фудбалската репрезентација и стручниот штаб на Англија беа ограбени ноќта од петок кон сабота пред да пристигнат во Канзас Сити, каде што ќе се соочат со Хрватска, објавија речиси сите британски медиуми.

Англиската фудбалска асоцијација објави дека меѓу украдените предмети се топки и фудбалски копачки.

Крадците ја извршиле операцијата со провала во возила што ги транспортирале нивните работи од Флорида до „Swoop Soccer Village“.

Меѓу другото, украдени се копачките на најголемите ѕвезди како Хари Кејн и Џуд Белингам, но ги украле и белите табли на тренерот Томас Тухел, како и топките што се користат за тренинг на неговите избраници.

Би-Би-Си објави дека се уапсени двајца осомничени, но дека овој инцидент ќе предизвика проблеми за Тухел во подготовките за натпреварот од Групата Л на Светското првенство помеѓу Англија и Хрватска, кој е закажан да започне во среда од 22.00 часот.