Приведен кавадарчанец кој со 2,02 промили алкохол во крвта престигнал седум возила што стоеле на црвено светло на семафор

Како што информираа денеска од Секторот за внатрешни работи – Велес, инцидентот се случил вчера во 15.30 часот на улица „Илинденска“ во Кавадарци, при што полициски службеници од ОВР – Кавадарци го уапсиле 48-годишниот П.К.

„При преземање мерки, по сторен сообраќаен прекршок, односно откако тој со патничко возило „рено“ co кавадаречки регистарски ознаки, престигнал седум возила што биле застанати на црвено светло на семафор, утврдено е дека го управувал возилото под дејство на алкохол, односно измерени му се 2,02 промили алкохол во крвта, појаснија од СВР – Велес.