Додека Државниот пазарен инспекторатот е на терен и гледа дали се почитува договорената училишна кошничка од страна на трговците, нема нарушувања во однос на училишната кошничка, изјави премиерот Христијан Мицкоски.

– Владата на седницата на 5 август донесе одлука со којашто обезбеди попуст заедно со трговците и снабдувачите на училишниот прибор помеѓу 10 и 15 проценти на маржата во зависност дали е на големо или на мало, а репер е цената од 1 јуни 2025 година. Задача на трговците е да означат која била цената на 1 јуни 2025 година и практично врз основа на тоа да обезбедат попуст меѓу 10 и 15 проценти и да истакнат на влезот од дуќанот натпис „Помалку трошоци, повеќе за вас“, така што Државниот пазарен инспекторат е на терен гледа дали се почитува, засега немаме објективни нарушувања на веќе договореното – рече Мицкоски при посетата на Кочани.

„Училишната кошничка“ стапи во сила на 15 август и ќе трае до 15 септември, и е предвидена да биде олеснување за семејниот буџет. Одлуката важи за тетратки, ранци, моливи, боици, фломастери, калкулатори, ножици, лепак, папки и други основни материјали.

Од денеска училишниот прибор со намалени цени, ранците поевтинија за 1.000 денари