„Меланија е вдовица во исчекување“: Првата дама на САД во војна со Џими Кимел
Меланија Трамп ја повика телевизијата Еј-би-си да одговори на коментарите на водителот Џими Кимел во кои тој ја нарече „вдовица во исчекување“ откако неговиот монолог беше емитуван пред пукањето на годишната вечера на Здружението на дописници од Белата куќа, објави Би-би-си.
Препорачано
„Доста е. Време е Еј-би-си да заземе став. Колку пати раководството на овој Дом ќе го толерира неприфатливото однесување на Кимел на штета на нашата заедница“, рече Меланија Трамп во објава на социјалната мрежа X.
Во својата емисија во четврток, водителот Џими Кимел се шегуваше за вечерата на дописниците од Белата куќа и им се потсмеваше на американскиот претседател Доналд Трамп и на Меланија, нарекувајќи ја „вдовица во чекање“, два дена пред настанот да биде прекинат со пукање.
„Нашата прва дама Меланија е тука. Погледнете ја, толку е убава.Госпоѓо Трамп, зрачите како вдовица во исчекување“, рече Кимел.
Потоа тој се осврна на нејзиниот роденден на 26 април, со хумористичен коментар за начинот на кој беше прославен.
„Планира да слави дома како и секогаш, гледајќи низ прозорецот и шепотејќи: „Што направив?““, рече Кимел.
Според Фокс њуз, најжестоките поддржувачи на Трамп во меѓувреме побарале Кимел да биде отпуштен поради неговите коментари за првата дама.
Kimmel’s hateful and violent rhetoric is intended to divide our country. His monologue about my family isn’t comedy- his words are corrosive and deepens the political sickness within America.
People like Kimmel shouldn’t have the opportunity to enter our homes each evening to…
— First Lady Melania Trump (@FLOTUS) April 27, 2026
Трамп откри што му рекла Меланија во текот на пукањето во Белата куќа
ВИДЕО | Пукање на вечера на која бил Трамп – претседателот итно евакуиран, повреден таен агент
