Од над 10 илјади анкетирани здравствени работници во државното здравство 67,7 проценти се изјасниле дека сакаат да се вакцинираат против ковид 19 вирусот, објавува Телма.

Од 2 000 медицински работници во приватното здравство пак, околу 60 проценти се „за“. Формуларите за пополнување им биле испратени пред десетина денови, но се уште ова не е конечната бројка бидејќи Комитетот за имунизација се уште ги сумира резултатите.

Од Комитетот не сакаат да шпекулираат за динамиката на вакцинирање, но велат дека никаде во Европа вакцинацијата се уште не е почната освен во Велика Британија и во Србија која за сега има само вакцини за 2 500 луѓе.