Меган Маркл започнува нов проект со кој повторно успеа да изненади. Станува збор за филм во кој ја глуми самата себе, но сè уште не е познато во каков контекст.

Наводно, Меган  низ годините била преплавена со понуди да се врати пред камерите, а сега конечно прифатила и тоа со многу интересна улога. Новата улога, во која се толкува самата себе, ѝ се видела како добра прилика, што, според „Дејли Мејл“, е прилично чудно, особено по тоа што изминатата година ја помина снимајќи ја серијата „Со љубов, Меган“, која не наиде на добри реакции.

Сега пристигнаа и првите фотографии од проектот кој треба да го означи нејзиното големо враќање на сетот што ѝ недостигал толку многу…

Според британскиот „Дејли мејл“, објавени се првите фотографии од војвотката на сетот, на кои изгледа опуштено и задоволно. Меган е фотографирана во лежерна сино-бела кошула, широки бели ленени панталони и кафени сандали, а лицето го сокрила со големи очила за сонце — вистинска филмска дива.

The smile that says, ‘Hollywood here I come!’: Meghan is seen on set for the first time filming new comedy movie where she plays HERSELF https://t.co/NSqi6UmyCa

— Daily Mail (@DailyMail) November 6, 2025

Во еден момент весело поздравила член од филмската екипа пред да се качи во автомобилот кој ја однел на луксузниот имот на ридовите на Пасадена, каде што снимала сцена покрај базенот.